பிரித்தானிய அரசு: பள்ளி தேர்வுக்கு புதிய ஆன்லைன் கருவி அறிமுகம்

பிரித்தானிய கல்வி அமைச்சகம் (Department for Education), பெற்றோர்களுக்கு தங்கள் குழந்தைகளுக்கு ஏற்ற பள்ளியை தேர்வு செய்ய உதவும் புதிய ஆன்லைன் கருவியை அறிமுகம் செய்துள்ளது. 'find and compare school and college profiles' என்ற பெயரில் இயங்கும் இந்த கருவி, பள்ளிகளின் முக்கிய தகவல்களை ஒரே இடத்தில் வழங்குகிறது.

என்ன தகவல்கள் கிடைக்கும்?

இந்த புதிய கருவியில் பள்ளியின் இடம், வயது வரம்பு, மாணவர்களின் சேர்வீதம் (attendance), கல்வி முடிவுகள் (results) மற்றும் இலவச காலை உணவு கிளப் (breakfast clubs) போன்ற கூடுதல் சேவைகள் பற்றிய தகவல்கள் உள்ளன. செகண்டரி பள்ளிகளைப் பொறுத்தவரை, GCSE பாடங்கள் மற்றும் 11ஆம் வகுப்பு முடிந்த பின் மேலும் கல்வி, பயிற்சி அல்லது வேலைக்கு மாணவர்கள் செல்லும் திசைகள் பற்றிய தகவல்களும் சேர்க்கப்பட்டுள்ளன.

அடுத்தகட்ட திட்டங்கள்

இந்த சேவை தொடர்ந்து மேம்படுத்தப்படும் என்று அமைச்சகம் தெரிவித்துள்ளது. தற்போது செகண்டரி பள்ளிகளுக்கு மட்டுமே உள்ள பக்க-பக்க ஒப்பீட்டு அம்சம் (side-by-side comparison) ப்ரைமரி பள்ளிகளுக்கும் அடுத்த ஆண்டு வழங்கப்படும். மேலும், பள்ளிகளின் செயல்திறனை காட்டும் Ofsted அறிக்கைகளும் இணைக்கப்படும்.

கல்வி அமைச்சர் Georgia Gould OBE MP, "பள்ளி தேர்வு என்பது பெற்றோருக்கு பெரிய முடிவு. தெளிவான தகவல்களை அவர்களின் கைகளில் கொடுப்பதன் மூலம், குழந்தையின் கல்வியில் பெற்றோர் பங்கேற்பை வலுப்படுத்தலாம்" என்று கூறியுள்ளார்.

பெற்றோர்-பள்ளி கூட்டாண்மை

இந்த அறிமுகத்துடன் இணைந்து, 'Enrichment Alliance' மற்றும் 'School-Parent Partnership Alliance' என்ற இரண்டு புதிய கூட்டணிகளும் தொடங்கப்பட்டுள்ளன. இவை பள்ளிகள் மற்றும் பெற்றோர் இடையேயான தொடர்பை வலுப்படுத்தவும், குழந்தைகளுக்கு விரிவான கல்வி அனுபவத்தை வழங்கவும் நோக்கமாக கொண்டுள்ளன. பெற்றோர்கள் தங்கள் அனுபவங்களை இந்த கூட்டணியின் இணையதளத்தில் பகிர அழைக்கப்பட்டுள்ளனர்.