நவம்பர் 20-ம் தேதி முதல் வங்கிக் கணக்குக் கடன் (découvert) விதிகள் மாற்றம்

2026 நவம்பர் 20-ம் தேதி முதல், பிரான்ஸில் வங்கிக் கணக்குக் கடன் (découvert bancaire) தொடர்பான விதிகள் முக்கியமாக மாற்றப்பட உள்ளன. ஐரோப்பிய ஒன்றியத்தின் 'DCC2' (Directive sur le crédit à la consommation 2) என்ற கட்டளையை பிரான்ஸ் சட்டத்தில் இணைக்கும் வகையில், 2025 செப்டம்பர் 3-ம் தேதி வெளியிடப்பட்ட அரசாணை (ordonnance) அடிப்படையில் இந்த மாற்றம் நடைமுறைக்கு வருகிறது.

என்ன மாற்றம்?

இதுவரை, 200 யூரோவிற்கு மேல் அல்லது 1 மாதத்திற்கு மேல் நீடிக்கும் கடன்களுக்கு மட்டுமே வங்கிகள் கடன் திறனைச் (solvabilité) சரிபார்க்க வேண்டியிருந்தது. ஆனால், புதிய விதிப்படி, எந்தத் தொகையிலான மற்றும் எந்தக் காலத்திலான வங்கிக் கடனுக்கும் இந்தச் சரிபார்ப்பு அவசியமாகிறது. இதன் மூலம் கடன் பெறுபவர்களைப் பாதுகாக்கவும், அதிக கடன் சுமையால் (surendettement) சிக்கலுக்கு ஆளாவதைக் குறைக்கவும் நோக்கம் உள்ளது.

வங்கிகள் என்ன செய்ய வேண்டும்?

• வாடிக்கையாளரின் வருமானம், சொத்துக்கள் மற்றும் கடன் சுமைகளை ஆராய வேண்டும்.
• 200 யூரோவுக்குக் குறைவான அல்லது 1 மாதத்திற்குள் திருப்பிக்கப்படும் கடன்களுக்கு, தேசிய கடன் திருப்பிச் செலுத்தல் சரிபார்ப்புப் பதிவேட்டை (fichier national des incidents de remboursement des crédits aux particuliers) ஆராய்வது விருப்பத்திற்குரியதாக (facultative) இருக்கும்.
• கடனின் மொத்த செலவு மற்றும் ஆண்டு வட்டியுறுதி விகிதம் (TAEG) போன்ற தகவல்களைத் தெளிவாக வழங்க வேண்டும்.

2026 நவம்பர் 20-ம் தேதிக்கு முன் அனுமதிக்கப்பட்ட வங்கிக் கடன்கள் இந்தப் புதிய விதிகளால் பாதிக்கப்படாது. வங்கிக் கடன் என்பது தானாகக் கிடைப்பது அல்ல; வங்கி அதை அனுமதிக்க வேண்டும். அனுமதிக்கப்பட்ட பிறகு, ஒவ்வொரு பயன்பாட்டிற்கும் தனித்தனி அனுமதி தேவையில்லை.